«Eovın» daýyly: Ulybrıtanııada qaýiptiń qyzyl deńgeıi jarııalandy

ASTANA. KAZINFORM - Tornado qaýpine baılanysty Ulybrıtanııanyń birqatar óńirinde sırek qyzyl dabyl belgisi jarııalandy, dep habarlady Sky News.

Osyǵan baılanysty myńdaǵan mektep jabylady dep josparlanǵan. Sonymen qatar júrgizýshilerge jolǵa shyqpaý týraly eskertý jasalyp, poıyzdar qozǵalysy toqtatyldy.

«Eovın» daýyly juma kúni tańǵy saǵat 7.00-den 14.00-ge deıin Soltústik Irlandııada, al Shotlandııanyń keı jerlerinde saǵat 10.00-den 17.00-ge deıin soǵýy múmkin. Meteorologtar «óte qaýipti jaǵdaı» týraly eskertti.

Qyzyl dabyl deńgeıi meteorologııalyq bıýronyń eń mańyzdy eskertýi bolyp sanalady. Sonymen qatar aýa raıy «poıyzdarda, energııamen qamtamasyz etýde eleýli buzýshylyqtar týdyrýy múmkin jáne múlik pen ınfraqurylymǵa aýqymdy zııan keltirýi múmkin» degendi bildiredi.

Jaraqat alý men ómirge qaýip tóngendikten, sary eskertýler qatary da engizildi.

Qytaıda tornado kezinde bes adam qaıtys bolǵanyn jazǵan bolatynbyz.