EO Taıaý Shyǵystan óz azamattaryn evakýatsııalaý úshin azamattyq qorǵanys mehanızmin iske qosty
ASTANA. KAZINFORM — Bul týraly búgin Eýroodaqtyń syrtqy ister jáne qaýipsizdik saıasaty jónindegi Joǵarǵy ókili Kaıa Kallas aıtty, dep habarlaıdy Kazinform tilshisi.
Ol múshe memleketterge aımaqtan ketkisi keletin azamattaryn evakýatsııalaýǵa kómek kórsetiletinin atap ótti.
Azamattyq qorǵanys mehanızmi EO elderi men qatysýshy memleketterge daǵdarys kezinde qoldaý úılestirýge múmkindik beredi. Onyń kómegimen EO birlesken evakýatsııalardy, materıaldyq-tehnıkalyq qamtamasyz etýdi jáne tótenshe jaǵdaılarda, sonyń ishinde qarýly qaqtyǵys aımaqtarynda jedel áreket etý úshin resýrs bólýdi uıymdastyra alady.
Kaıa Kallastyń málimdemesi aımaqtaǵy jaǵdaıdyń nasharlaýyna baılanysty ósip kele jatqan alańdaýshylyqty jáne EO-nyń sheteldegi óz azamattaryn qorǵaý úshin belsendi áreket etýge bel baılaǵanyn kórsetedi.
Bir kún buryn Eýroodaq syrtqy ister mınıstrleri kezekten tys otyrysta Tegerannyń ıadrolyq qarýǵa ıe bola almaıtyndyǵy jáne Brıýsseldiń Iran men Izraıl arasyndaǵy shıelenisti azaıtýǵa úles qosýǵa daıyn ekendigi týraly kelisti.
Buǵan deıin Izraılde 40 myńǵa jýyq sheteldik týrıst qalyp qoıǵany belgili bolǵan.