EOB basshysynyń málimdemesinen keıin munaı baǵasy óse bastady
ASTANA. QazAqparat - Dúısenbide munaıǵa baǵa oń serpin ala bastady, ınvestorlar Eýropalyq ortalyq bank jáne Japonııa banki ekonomıkany yntalandyrý boıynsha qosymsha sharalar qabyldaıdy degen úmitte. Bul munaı naryǵynda munaıdyń mólsherden tys bolýy aıasynda suranysty arttyrýǵa járdemdesedi.
Máskeý ýaqytymen 07:19-daǵy jaǵdaı boıynsha Brent markaly soltústikteńizdik munaı qospasyna naýryzdyq fıýcherster quny 1,08 paıyzǵa, barreline 33,20 dollarǵa deıin kóterildi. WTI markaly munaıǵa naýryzdyq fıýcherster quny 0,71 paıyzǵa - barreline 32,42 dollarǵa ulǵaıdy, dep jazady RIA Novostı.
Ótken aptada kezekti otyrys nátıjesi boıynsha EOB basshysy Marıo Dragı retteýshi naýryzdaǵy otyrysta óziniń aqshalaı-kredıttik saıasatyn ózgertýge sheshim qabyldaıtyny týraly málimdegen. Bul eýroaımaqtaǵy álsiz ınflıatsııa derekterine baılanysty. Onyń aıtýynsha, EOB-tyń áreket etýge «bıligi, sheshimi, ázirligi» bar. Osynyń aıasynda ınvestorlar arasynda beısenbi kúni, 28 qańtarda ótetin otyrysta Japonııa banki ekonomıkany qoldaý boıynsha qosymsha sharalar qabyldaýy múmkin.
