EO 2027 jyldyń sońynda Reseıge qarsy «ushqyshsyz qabyrǵa» qurýdy josparlap otyr

ASTANA. KAZINFORM – Eýropalyq odaq óziniń «ushqyshsyz qurylymdar qabyrǵasy» 2027 jyldyń sońyna qaraı tolyq jumys isteıtinin jáne «jelilik ushqyshsyz áleýetke» ıntegratsııalanatynyn josparlap otyr, dep habarlaıdy Kazinform agenttigi Euronews-ke silteme jasap.

Mundaı aqparat «Qorǵanysqa daıyndyq 2030» atty «Jol kartasynan» alynǵan.

Eýropalyq komıssııa beısenbide resmı túrde tanystyratyn qujat birneshe aı boıy júrgizilgen EO atqarýshy bıligi men múshe-memleketter arasyndaǵy kelissózderge negizdelgen jáne bloktyń qorǵanys saıasatyn Reseıdiń kúnnen-kúnge qaterliligi artqan jaǵdaıda tolyq qaıta uıymdastyrýdy kózdeıdi.

EO músheleri shuǵyl túrde ınvestıtsııalaý kerek degen toǵyz basymdy baǵyttyń tizimin jasaǵan — sonyń ishinde oq-dáriler, ushqyshsyz apparatar jáne olarǵa qarsy qorǵanys tehnologııalary bar. Osy aıdyń basynda Eýrokomıssııa sondaı-aq tórt jalpyevropalyq flagmandyq jobany basymdyqqa alý usynysyn jasaǵan.

Olardy «Shyǵys flangi» retinde, sonyń ishinde «Eýropalyq ushqyshsyz (dron) qabyrǵa», «Áýe qorǵanysyna qarsy qalqan» jáne «Qorǵanys ǵaryshtyq qalqany» dep ataǵan.

Jol kartasynda EK baǵalaýy boıynsha olardyń alǵashqy iske qosylý merzimderi kórsetilgen. Onda shyǵys flangi men ushqyshsyz qabyrǵa «eń shuǵyl» ekenin aıtady.

Qujatta sońǵysy «tolyq fýnktsıonaldy jáne jelilik ushqyshsyz áleýetke ıntegratsııalanǵan» bolatyny — 2027 jyldyń sońyna deıin, al birinshi joba — «2028 jyldyń sońyna deıin» iske qosylady dep bekitilgen.

«Ushqyshsyz apparattarǵa qarsy qarsyqabilet birneshe deńgeıli, tehnologııalyq turǵydan jetilgen júıe retinde qurylady; ol ushqyshsyz apparattardy anyqtaý, qadaǵalaý jáne beıtaraptandyrý múmkindikterimen qatar, joǵary dáldikti soqqylardy jasaý úshin ushqyshsyz tehnologııalardy paıdalana otyryp jer nysandaryn joıý qabiletterine ıe bolady», — delingen qujatta.

Alaıda túrli múshe-memleketterdiń talaptaryna qaramastan «Jol kartasynda» eýropalyq qorǵanysty kúsheıtýdiń jańa qarjylandyrý kózderi naqtylanbaǵan.

Buǵan deıin habarlaǵanymyzdaı, EO kóshbasshylary «drondarǵa qarsy qabyrǵa» qurý ıdeıasyn qoldaǵany habarlanǵan – Eýropalyq Odaqtyń beıresmı sammıtinde jáne Eýropalyq saıası qoǵamdastyqtyń basqosýynda EO kóshbasshylary ushqyshsyz ushý apparattaryn (drondardy) jáne olarǵa qarsy tehnologııalardy ázirleýdi jedeldetýge kelisti.

Sondaı-aq Eýropalyq Odaq taǵy 6 jasandy ıntellekt zaýytyn salady.