EO jasandy ıntellekti damytý úshin 388 mln eýroǵa sýperkompıýterge tapsyrys berdi
ASTANA. KAZINFORM — Eýropalyq odaq jasandy ıntellektini damytýǵa arnalǵan jańa joǵary ónimdi sýperkompıýterdi frantsýzdyń memlekettik Bull AI kompanııasyna tapsyrys berdi. Kelisimsharttyń quny 387,8 mln eýro bolady, dep habarlaıdy Kazinform DW-ǵa silteme jasap.
Tapsyrysty sýperkompıýterlik tehnologııalardy damytýǵa jaýapty eýropalyq EuroHPC agenttigi ornalastyrǵan. Jańa esepteý keshenin Fınlıandııada qazir jumys istep turǵan derekter ortalyǵyna ornatý josparlanyp otyr.
Sýperkompıýterdi 2027 jyldyń ekinshi jartysynda iske qosý kózdelgen. Ol jasandy ıntellekt pen joǵary ónimdi esepteýlerge arnalǵan eýropalyq ınfraqurylymnyń bir bóligine aınalady.
Bull AI kompanııasy birneshe aı buryn IT-kontsern Atos-tyń strategııalyq mańyzy bar aktıvteri negizinde qurylǵan. Bul aktıvter kompanııa qarjylyq qıyndyqtarǵa tap bolǵannan keıin Frantsııa memleketiniń baqylaýyna ótken.
Qazir EuroHPC qaramaǵynda jasandy ıntellektke arnalǵan 19 derekter ortalyǵy jáne shamamen 10 sýperkompıýter bar. Eýropalyq jelige Germanııanyń ıÝlıh qalasyndaǵy zertteý ortalyǵynda ornatylǵan Jupiter sýperkompıýteri de kiredi.
EuroHPC ınfraqurylym jónindegi dırektory Evangelos Florostyń aıtýynsha, aldaǵy jyldary jeli odan ári keńeıe beredi. Qazirdiń ózinde jasandy ıntellektke qajetti esepteý qýatyna suranys qoljetimdi resýrstardan asyp túsip otyr.
EuroHPC qarjylandyratyn sýperkompıýterler, sonyń ishinde, eýropalyq jasandy ıntellekt modelderin oqytý jáne damytý úshin paıdalanylady.
