EO zańsyz evreı qonystanýshylaryna qarsy sanktsııa engizýdi qarastyrady
ASTANA. KAZINFORM — Brıýsselde EO syrtqy ister mınıstrleriniń kezdesýinen buryn BAQ ókilderiniń suraqtaryna jaýap bergen kezde, Eýropalyq Odaqtyń syrtqy saıasat jáne qaýipsizdik máseleleri jónindegi joǵarǵy ókili Kaıa Kallas Izraıldi basyp alǵan Batys jaǵalaýdaǵy Palestına terrıtorııalaryn ıemdenip jatqan evreı qonystanýshylaryna sanktsııalar engizý týraly saıası kelisimge qol jetkizýge úmit bildirdi. Bul týraly Anadoly agenttigi jazdy.
— Meniń úmitim, bul másele boıynsha naqty progreske qol jetkize alamyz, — dedi ol.
Eýro dıplomatııasynyń basshysy qazirgi tańda EO Izraılmen saýda máselelerine qatysty Seriktestik kelisiminiń keıbir baptaryn ýaqytsha toqtatý jóninde kelisimge kele almaǵanyn rastady.
Kallas sondaı-aq Eýropalyq Odaq Frantsııa men Shvetsııanyń basyp alynǵan Palestına terrıtorııalaryndaǵy ızraıldik qonystanýshylardan shyqqan taýarlarǵa qarsy sharalardy kúsheıtý bastamasyn qarastyratynyn atap ótti.
Buǵan deıin Kaıa Kallas NATO-dan bólek derbes eýropalyq armııa qurý asa qaýipti ekenin málimdep, mundaı qadam daǵdarys jaǵdaıynda basqarý tizbeginiń úzilýine ákelýi múmkin ekenin eskertken bolatyn.
