EO Ýkraınanyń birligin, egemendigin, táýelsizdigin jáne aýmaqtyq tutastyǵyn saqtaýǵa shaqyrdy

Bul týraly onyń Ýkraınadaǵy jaǵdaı boıynsha málimdemesinde aıtylǵan.

«Men ýkraın halqynyń zańdy demokratııalyq umtylysyn oryndaý úshin barlyq tarapty syndarly dıalogqa qatysýdy jalǵastyrýǵa shaqyramyn. Eýroodaq Ýkraınadaǵy barlyq tarap ózin eldiń birligin, egemendigin, táýelsizdigin jáne aýmaqtyq tutastyǵyn qorǵaýǵa sáıkes ustaıdy dep kútedi», - dedi K.Eshton.

Eýropalyq syrtqy saıasat qyzmetiniń basshysy saıası daǵdarysty uzaq merzimge sheshý qajet, ol úshin konstıtýtsııany reformalaý, jańa úkimet qurý jáne demokratııalyq saılaýǵa jaǵdaı týǵyzý qajet ekenin atap ótti.

Sonymen birge, K.Eshton burynǵy premer-mınıstr ıÝlııa Tımoshenkonyń bosatylýyn quptady, muny eldegi saılaý ádilettigimen baılanysty máseleni sheshýde alǵa qaraı mańyzdy qadam dep atady.

Eske sala keteıik, senbi kúni, 22 aqpanda Joǵarǵy Rada eks-premerdi bosatýǵa múmkindik beretin «ıÝlııa Tımoshenkoǵa qatysty Ýkraınanyń halyqaralyq mindettemelerin oryndaý týraly» qaýly qabyldady. Depýtattar Ýkraınanyń Qylmystyq kodeksinen birqatar baptardy, sonyń ishinde 2011 jyly eks-premer sottalǵan 365-bapty (bılikti nemese qyzmettik ókilettiligin asyra paıdalaný) alyp tastaýǵa sheshim shyǵardy. Ol qazirdiń ózinde parlament 25 mamyrǵa belgilegen Ýkraına prezıdentin saılaýǵa qatysatynyn málimdedi.