EO Ýkraınamen qaýymdastyq týraly kelisimge qol qoıýǵa daıyn ekenin rastady
Bul týraly Eýropa odaǵyna múshe 28 memlekettiń Syrtqy ister mınıstrleri otyrysynyń qorytyndysy boıynsha EO Syrtqy ister jáne qaýipsizdik saıasaty jónindegi joǵary ókili Ketrın Eshton málimdedi.
«Mınıstrler Ýkraına tıisti talaptardyń barlyǵyn oryndaýǵa daıyn bolǵan kezde Eýropalyq odaq Ýkraınamen qaýymdastyq týraly jáne tereńdetilgen erkin saýda aımaǵyn qurý týraly kelisimge qol qoıýǵa daıyn ekenin taǵy da rastady», - dedi K.Eshton.
EO-nyń paıymynsha, bul kelisim Ýkraınanyń qysqa merzimdi ekonomıkalyq máselelerin sheshýge múmkindik beredi. Oǵan qosa, halyqaralyq naryqtar men qarjy mekemelerine úlken senimniń belgisin beredi. Atalǵan qujat, sondaı-aq, Ýkraınadaǵy saıası jáne ekonomıkalyq reformalar úshin negiz bolady, demek eldiń uzaq merzimdi damýyna septigin tıgizedi.
