EO Ýkraınamen qaýymdastyq týraly kelisimge qol qoıýǵa ázir ekendigin qýattady
BRıÝSSELЬ. QazAqparat - Eýroodaq Ýkraınaǵa daǵdarysty sheshýdiń halyqaralyq tetikterine júginýdi usyndy. Bul týraly Brıýsselde ótken EO-nyń syrtqy ister boıynsha keńesiniń otyrysynda maquldanǵan qorytyndylarda áńgime boldy.
EO SІM basshysy Ýkraınadaǵy jaǵdaıǵa alańdaýshylyǵyn bildirdi jáne barlyq taraptardy zombylyqtan bas tartýǵa, al bılikti - ýkraındyqtardyń irgeli quqyqtaryn qamtamasyz etýge shaqyrdy. Syrtqy saıasat vedomstvolarynyń basshylary Ýkraınadaǵy saıası daǵdarystan shyǵý joldaryn izdestirý jónindegi jumysty jalǵastyrý qajettigin atap kórsetti.
«Qazirgi saıası daǵdarysty uzaq merzimge sheshý úshin odan ári kúsh-jiger jumsaý qajet. EO barlyq taraptardy ýkraın halqynyń murattaryna sáıkes keletin demokratııalyq sheshimderdiń jan-jaqty dıalogy arqyly izdestirýge shaqyrady», - dep atap ótilgen EO Keńesiniń qorytyndylarynda.
EO syrtqy ister mınıstrleri barlyq taraptardyń ókilderi enetin jańa úkimetti qalyptastyrý, konstıtýtsııalyq reforma ótkizý, bılik tarmaqtarynyń tep-teńdigin qalpyna keltiredi, sondaı-aq adal jáne erikti prezıdenttik saılaýǵa ázirlik Ýkraınany ornyqty reformalarǵa oraltar edi, dep atap ótti.
Sonymen qatar mınıstrler EO Ýkraınadaǵy reformalardy qoldaýǵa, sonyń ishinde halyqaralyq qoǵamdastyqpen jáne halyqaralyq qarjy ınstıtýttarymen birlesip, qajetti kómek berýge jónindegi kúsh-jigerdi jalǵastyrýǵa ázir bolyp qala bermek, dep atap kórsetti. .
Qujatta sondaı-aq eger Kıev buǵan ázir bolsa, EO-nyń Ýkraınamen qaýymdastyq qurý týraly kelisimge qol qoıýǵa ázir ekeni atap kórsetilgen. EO SІM Keńesi bul kelisim eýropa-ýkraın qatynastaryndaǵy túpki maqsat emestigine senim bildirdi.
