EO Ýkraınaǵa 6 naýryzda júzdegen mıllıard eýro qarjy bólýi múmkin - Makron

ASTANA. KAZINFORM – Eýropalyq Odaq 6 naýryzda ótetin sammıtinde Ýkraınaǵa júzdegen mıllıard eýro kóleminde qarjy bólýdi maquldaýy múmkin. Bul týraly Frantsııa prezıdenti Emmanýel Makron La Tribune gazetine bergen suhbatynda aıtty, dep jazdy TASS.

- Bul kezdesýdiń maqsaty - Ýkraınaǵa qoldaýdy kúsheıtý jáne Eýrokomıssııaǵa múmkindiginshe tezirek aýqymdy birlesken qarjylandyrýdy bastaý mandatyn berý. Óıtkeni, bizdiń qaýipsizdigimizge qater tónip tur. Bul oraıda, 6 naýryzdaǵy sammıt óte mańyzdy. Ol kezde aýqymdy qarjylandyrý júzdegen mıllıard eýrony quraýy múmkin, - dedi frantsýz basshysy.

Gazet jazǵandaı, Frantsııa prezıdenti Ýkraınany qarjylandyrý jáne eýropalyq qaýipsizdik arhıtektýrasyn qurý jyldarǵa sozylatynyna senimdi.

- Sondyqtan biz qysqa merzimde AQSh-tyń qoldaýyn saqtaý úshin barlyǵyn jasaýymyz kerek, - degen Makron.

Ol AQSh prezıdenti Donald Tramp pen Vladımır Zelenskıı arasyndaǵy kıkiljińge qatysty pikirinde eki jaqty da sabyrǵa shaqyrady.

Aıta keteıik, buǵan deıin Tramp AQSh pen Reseı arasynda Ýkraınaǵa qatysty kelissózderdiń ekinshi raýndy týraly málimdegen.