EO, Ýkraına AQSh-tyń beıbitshilik josparyn 23 qarashada talqylaıdy
ASTANA. KAZINFORM – Eýropa Odaǵy, Ýkraına, AQSh-tyń beıbitshilik jospary boıynsha kezdesýi 23 qarashada ótedi, dep habarlaıdy TASS.
DPA agenttiginiń GFR-dyń úkimet músheleri aınalasyndaǵy derekkózderge silteme jasap habarlaýynsha, Vashıngtonnyń beıbit kelisimi EO-nyń AQSh-taǵy áriptesteri jáne Ýkraına ókilderimen jeksenbi kúni Jenevada ótetin kezdesýde talqylanady.
Sonymen qatar TASS-tyń habarlaýynsha, EO, Kanada men Japonııa kóshbasshylary Iohannesbýrgtegi kezdesý qorytyndysy boıynsha AQSh-tyń Ýkraına boıynsha josparyn jetildirýdi talap etip otyr jáne olar Ýkraına áskeriniń qysqartylýyna alańdaýly.
Bul týraly EO ınstıtýttary kóshbasshylarynyń Eýrokomıssııa jarııalaǵan birlesken málimdemesinde aıtylǵan. Olardyń qatarynda Germanııa, Frantsııa, Italııa, jáne EO-ǵa kirmeıtin Ulybrıtanııa, Norvegııa, Japonııa men Kanada da bar. Málimdeme G20 aıasynda batys elderi kóshbasshylarynyń shuǵyl kezdesýiniń qorytyndysy boıynsha qabyldanǵan.
Olar sonymen qatar Ýkraına áskeriniń qysqartylýyna alańdaýly. Sebebi ol eldi álsiretedi.
Osyǵan deıin Tramptyń Ýkraınadaǵy beıbitshilik josparynyń barlyq 28 tarmaǵy jarııalandy.
Sondaı-aq Pýtın men Zelenskıı Tramptyń beıbitshilik josparyna jaýap berdi.