EO Túrkııada jer silkinisinen zardap shekkenderge qosymsha qoldaý kórsetedi
Eýrokomıssııa baspasóz qyzmeti atap ótkendeı, Ýrsýla fon der Lıaıen jaqynda bolǵan jer silkinisine baılanysty Eýropalyq Odaqqa kóńil aıtyp, Eýroodaqtyń Túrkııany qoldaý qadamdaryn talqylady.
«Eýropalyq komıssııa áýelden túrik halqynyń jaǵynda boldy, joıqyn jer silkinisinen keıin óte tez jan-jaqty qoldaý kórsetti», - delingen Eýrokomıssııa málimdemesinde.
EO qazirdiń ózinde azamattyq qorǵaý mehanızmi arqyly Túrkııaǵa aıtarlyqtaı qoldaý kórsetti: EO-ǵa múshe 21 memleket jáne EO-nyń azamattyq qorǵaý mehanızmine (UCPM) qatysýshy úsh memleket 1651 adamnan jáne 106 izdestirý-qutqarý ıtterinen turatyn 38 áreket etý tobyn jiberdi. EO-ǵa múshe on eki memleket panalaý zattaryn usyndy (50 myń otbasylyq qysqy shatyr, 100 myń kórpe jáne 50 myń jylytqysh). Eýropalyq komıssııanyń tótenshe jaǵdaılardy joıý jónindegi úılestirý ortalyǵy RescEU rezervinen 500 turǵyn úı uıymdastyryldy, sondaı-aq Rýmynııa 2 myń shatyr men 8 myń tósek-oryn ornalastyrdy.
Daǵdarysty basqarý jónindegi eýrokomıssar ıAnez Lenarchıch Gazıantep qalasyna (Túrkııanyń ońtústik-shyǵysy) bardy.
Eýrokomıssııa prezıdenti Ýrsýla fon der Lıaıen Túrkııa prezıdenti Rejep Erdoǵanǵa EO atqarýshy organy qosymsha qoldaý jumyldyratynyn jáne Túrkııanyń shatyrlar, kórpeler, jylytqyshtar berý týraly ótinishine jaýap beretinin habarlady.
Jedel kómek kórsetýden basqa, EK prezıdenti Ýrsýla fon der Lıaıen Shvetsııa premer-mınıstri Ýlf Krısterssonmen birlesip Túrkııa men Sırııa halqyn qoldaý maqsatynda halyqaralyq qaýymdastyq qarajatyn jumyldyrý úshin donorlyq konferentsııa ótkizedi.
Konferentsııa túrik bıligimen úılestirilip, naýryz aıynda Brıýssel qalasynda ótedi.
Arsen Óteshev
Foto: ArtJazz /Getty Images Pro