EO turǵyndarynyń 80 paıyzy taýardy ınternet arqyly satyp alady

NUR-SULTAN. QazAqparat –Internet arqyly taýar men qyzmetti paıdalanýshylar sany kún ótken saıyn kóbeıip barady. Munda eýropalyq elderdiń turǵyndary kósh basynda. Olar barlyq ınternet paıdalanýshylardyń 80 paıyzyn qurap otyr, dep habarlaıdy QazAqparat.

Bul jaıly BUU-nyń Saýda jáne damý konferentsııasynyń jańa baıandamasynda málim etildi.

Elektrondy saýdadaǵy álemdik lıderler tiziminde eýropalyq elder on pozıtsııanyń segizinde alǵashqy oryndardy ıemdengen.

Birinshi orynda - Nıderlandy, al ekinshi -Shveıtsarııa. «Úzdik ondyqqa» eýropalyq emes elderden tek Sıngapýr (úshinshi) men Avstralııa ǵana (10 orynda) endi.

Elektrondy saýda ekonomıkalyq damýǵa úlken múmkindik týǵyzady, biraq onyń basymdyǵyn kedeı elderdiń basym bóligi paıdalana almaıotyr.

ıAǵnı,eýropalyq elderdiń jartysy jeli arqyly 80 paıyzdan astam saýda-sattyq jasaǵan bolsa, tabysy tómen jáne ortasha memleketterdiń úlesi 10 paıyzdy ǵana quraǵan.

Baıandama avtorlarynyń atap ótýinshe, 2017 jyly elektrondyq kommertsııanyń jahandyq naryǵy onyń aldyndaǵy jylmen salystyrǵanda 22 paıyzǵa ósip, aınalymy 3,9 trln dollardy quraǵan.