EO soty Eýrokomıssııa basshysy Ýrsýla fon der Lıaıenge qatysty sheshim shyǵardy
ASTANA.KAZINFORM - Sot Eýropalyq komıssııa tóraǵasy Ýrsýla fon der Lıaıendi COVID-19 pandemııasy kezinde Pfizer kompanııasynyń bas dırektorymen vaktsına satyp alýǵa qatysty almasqan hattaryn jarııa etýge mindettedi, dep habarlaıdy Kazinform tilshisi.
Sársenbi kúni Eýropalyq odaq soty Ý.Lıaıenge qatysty is boıynsha rezonansty sheshim shyǵardy.
Osylaısha, Eýropalyq odaqtyń sot organy Eýrokomıssııa basshysy men Pfizer farmatsevtıkalyq kompanııasynyń bas dırektory Albert Býrla arasyndaǵy hat almasýdy ashý sheshimin joıdy.
Buǵan deıin amerıkalyq The New York Times gazeti COVID-19 vaktsınalaryn satyp alý týraly iri mámile talqylanǵan mátindik habarlamalardy (SMS) jarııalaý týraly ótinish bergen. Tabloıd 2023 jyly sotqa shaǵymdanyp, Ý.Lıaıen mátindik habarlamalardy jarııalaýdan negizsiz bas tartty dep málimdedi.
35 mıllıard eýrony quraıtyn vaktsına kelisimimen baılanysty habarlamalarǵa qatysty jaǵdaı Eýropalyq komıssııada qupııalylyq pen ınstıtýtsıonaldyq bulyńǵyrlyq degen aıyptaý týdyrdy.
-Bul sheshim Ý.Lıaıenniń joǵary ortalyqtandyrylǵan kóshbasshylyq stıline qatysty alańdaýshylyqty arttyryp, eleýli saıası reaktsııa týdyrýy múmkin, dep jazady Euractiv.
- Sot talqylaýynyń negizi sanalatyn qujattarǵa qol jetkizý týraly EO Erejesi Komıssııadan «qoǵamǵa jáne Sotqa qaralyp otyrǵan qujattardyń nelikten tabylmaıtynyn túsinýge múmkindik beretin senimdi túsinik berýdi" talap etedi, - dep jalǵastyrdy sot.
Aıta keteıik, Eýropalyq Odaq eń iri partııa basshysyn tańdady.
