EO SІM basshylary Iranǵa qatysty shuǵyl vıdeokonferentsııa ótkizedi

ASTANA. KAZINFORM — Eýropalyq odaqtyń Syrtqy ister mınıstrleri shuǵyl vıdeokonferentsııa formatynda bas qosady. Bul týraly EO-nyń syrtqy ister jáne qaýipsizdik saıasaty jónindegi Joǵarǵy ókili Kaıa Kallas málimdedi, dep habarlaıdy Kazinform agenttiginiń Brıýsseldegi menshikti tilshisi. 

27 múshe memlekettiń syrtqy ister mınıstrleri qatysatyn keńes búgin Eýropa ýaqytymen saǵat 17:00-de bastalady.

Kún tártibinde — Iran tóńiregindegi jaǵdaı jáne atalǵan daǵdarysqa qatysty eýropalyq ustanymdy qalyptastyrý máselesi.

Eske salaıyq, dúısenbi kúni Eýropalyq komıssııa prezıdenti Ýrsýla fon der Lıaıen Qaýipsizdik alqasynyń shuǵyl otyrysyn ótkizedi. Jıynǵa 27 eýrokomıssar qatysady.

Buǵan deıin Izraıl Tegeran qalasyna áýe soqqylarynyń jańa tolqynyn jasaǵany habarlanǵan edi.