EO Syrtqy ister mınıstrleri Ýkraınaǵa jańa kómek kórsetý týraly kelisimge kele almady
ASTANA. KAZINFORM – Eýroodaq syrtqy ister mınıstrleri Brıýsselde ótken kezdesýde Ýkraınaǵa 40 mlrd eýro kólemindegi jańa kómek paketi boıynsha kelisimge kele almady, dep habarlaıdy DW.
Bul týraly dúısenbi, 17 naýryzda EO Keńesiniń otyrysynan keıingi baspasóz máslıhatynda EO-nyń syrtqy ister jáne qaýipsizdik saıasaty jónindegi Joǵarǵy ókili Kaıa Kallas málimdedi.
Onyń aıtýynsha, EO elderi arasynda Ýkraınaǵa jańa kómek bólýdi keńinen saıası qoldaý baıqalyp otyr, biraq pysyqtaýdy qajet etetin kóptegen egjeı-tegjeı bar. Kallas jaqyn arada bul máselede ilgerileýshilik bolady dep úmittenetinin qosyp ótti.
Buǵan deıin Kaıa Kallas Ýkraınaǵa 20-dan 40 mlrd eýroǵa deıingi kólemde jańa áskerı kómek paketin usyný týraly bastamany kótergen bolatyn, oǵan 2025 jyly áýe shabýylyna qarsy qorǵanys júıeleri men zymyrandardy jetkizý, sondaı-aq ýkraınalyq áskerı brıgadalardy oqytý men jabdyqtaýdy qamtý kirýi tıis bolǵan.
Budan basqa, shamamen 5 mlrd eýroǵa 2 mln artıllerııalyq snarıad jetkizý qarastyrylǵan.
- 20 mlrd eýro – Eýroodaqtyń Ýkraınaǵa 2024 jyly bólgen somasy, 40 mlrd AQSh-tyń 2024 jyly 16 mlrd bólgen kómekten bas tartýyn óteıtin edi, - dep túsindirdi eýropalyq dıplomattardyń biri brıfıngte.
Bul kómek paketiniń birinshi nusqasyna naýryz aıynyń basynda Majarstan tosqaýyl qoıdy, sodan keıin EO Ýkraınaǵa áskerı kómek kórsetý úshin erikti qor qurýdy usyndy.
Buǵan deıin 17 naýryzda Brıýsselde EO Syrtqy ister keńesi ótetinin jazǵan bolatynbyz.