EO Sırııaǵa qarsy jańa sanktsııalar paketin qabyldady
BRıÝSSELЬ. 14 mamyr. QazAqparat - Búgin Brıýsselde Eýroodaqqa múshe 27 eldiń syrtqy saıasat vedomstvolarynyń basshylary Sırııaǵa qarsy jańa 15-inshi saktsııalar paketin qabyldady, dep habarlandy EO Keńesiniń baspasóz qyzsmetinen.
Sanktsııalar eýropalyq aktıvterdi toqtatýdy jáneprezıdent Bashar Asadtyń rejimin qarjylandyrdy dep kúdik keltirilip otyrǵan eki kompanııa men úsh sırııalyq azamattyń birikken Eýropa aýmaǵyna kirýine tyıym salýdy qarastyrady.
«Sanktsııalar qabyldandy, olar kúshine seısenbi kúni enedi», - delingen Sırııa boıynsha EO Keńesiniń taratqan aqparatynda.
Búgingi kúni Sırııa úshin EO-nyń «qara tizimine» prezıdent Bashar Asad pen onyń otbasy múshelerin, sırııalyq sheneýnikter men bıznesmenderdi qosa alǵanda, barlyǵy 126 adam kirip otyr. Olardyń barlyǵyna Eýropa aýmaǵyna kirýge tyıym salyndy, olardyń banktardaǵy qazynalary toqtatyldy. Eýropalyq bızneske sırııalyq rejimge jaqyn 40-qa jýyq uıymmen baılanysýǵa tyıym salyndy, onyń ishinde eldiń ulttyq áýekompanııasy, ortalyq banki jáne birqatar eksporttyq kompanııalar bar. Buǵan deıin Eýroodaq Sırııanyń qarýyn, munaıyn jáne munaı ónimderin satýǵa tyıym salǵan bolatyn.
