EO Sırııa boıynsha BUU Qaýipsizdik keńesiniń jańa qararyn qoldaıdy

Mundaı málimdemeni Eýroodaqtyń syrtqyister jáne qaýipsizdik saıasaty jónindegi joǵarǵy ókili Ketrın Eshton jasady, dep habarlandy eýropalyq sheneýniktiń baspasóz qyzmetinen.

«Men BUU Qaýipsizdik keńesiniń biraýyzdan maquldanǵan qararyn qoldaımyn, Bul BUU men Arab memleketteri lıgasynyń arnaıy ókili Kofı Annan jasaǵan  josparynyń 6 tarmaǵy boıynsha istiń iske asýyna baǵyttalǵan durys qadam», - dedi K.Eshton.

Eýropalyq dıplomatııalyq qyzmet basshysynyń pikirinshe, eger de jergilikti jerlerde jaǵdaı asa turaqsyz jáne túsiniksiz bolyp qala berse, BUU Qaýipsizdik keńesiniń qarary Sırııadaǵy BUU-nyń baqylaýshylaryna tolyqqandy mıssııany júzege asyrýǵa jol ashatyn bolady.

«Qarar halyqaralyq qaýymdastyqtyń Sırııa basshylyǵyn azamattyq qoǵamǵa qarsy zombylyqty toqtatýǵa jáne gýmanıtarlyq shuǵyl qajettilikterdi sheshýge shaqyratyn kesimdi úndeý. Men sırııa úkimetin baǵytty ózgertip, bastaýysh toptyń baqylaýshylarymen tolyǵymen yntymaqtasý úshin osy múmkindikti paıdalanýǵa shaqyramyn»,  - delingen K. Eshtonnyń málimdemesinde.

Qabyldanǵan qarar Sırııaǵa 30 baqylaýshydan qurylǵan ozyq topty jóneltýdi qarastyrady. Ári qaraı mıssııanyń quramy 250 adamǵa deıin keńeıtilýi múmkin. Qararda sırııalyq bılik baqylaýshylardyń el boıynsha esh kedergisiz qozǵalysyn qamtamasyz etýi tıistigin atalyp ótken. Onymen birge, qujatta sırııa bıligine qaratyp aıtylǵan qalalar men eldi mekenderden barlyq áskerlerdi shyǵarý úndeýi bar. Egerde Sırııa osy talaptardy oryndamasa, BUU Qaýipsizdik keńesi qajettilik týyndaǵan jaǵdaıda, odan arǵy is-qımyldardy talqylaıtyn bolady.