EO SІM basshylary Sırııa men Taıaý Shyǵystaǵy ahýaldy retteý máselelerin talqylaıdy
BRıÝSSELЬ. QazAqparat - Eýroodaqqa (EO) múshe-memleketter Syrtqy ister mınıstrlikteriniń basshylary 16 qańtarǵa josparlanǵan kezdesý barysynda Sırııa men Taıaý Shyǵystaǵy ahýaldy retteý máselelerin talqylaıtyn bolady, dep habarlaıdy «QazAqparat» HAA arnaýly tilshisi.
«Mınıstrler kezdesýdi 2017 jyldyń birinshi jarty jyldyǵyna arnalǵan josparlar boıynsha pikir almasýdan bastaıdy», - dep habarlady EO Keńesiniń baspasóz qyzmetinen.
Odan ári mınıstrler, Sırııadaǵy ahýal boıynsha ózderi sońǵy ret (2016 jyldyń 12 jeltoqsany) pikir talastyrǵan jáne Eýroodaq sammıtinde EO kóshbasshylary talqylaǵan ýaqyttan bergi (2016 jyldyń 15 jeltoqsany) jaǵdaıdyń ózgerýin tilge tıek etpek.
16 qańtarǵa ázirlengen EO Keńesiniń materıaldarynda ol ýaqyttan beri Sırııadaǵy áskerı qaqtyǵystardy toqtatý jarııalanǵany, sondaı-aq Sırııadaǵy zorlyq-zombylyqty toqtatý jáne saıası protseske aýysý boıynsha Reseı men Túrkııanyń kúsh-jigerine qoldaý bildirýge baǵyttalǵan BUU Qaýipsizdik Keńesiniń 2016 jylǵy 31 jeltoqsandaǵy 2326 qarary qabyldanǵany týraly aıtylatyn bolady.
Túski as kezinde BUU Qaýipsizdik Keńesiniń 2334 qarary men Parıj konferentsııasy sheńberinde Taıaý Shyǵystaǵy beıbitshilik protsesti talqylaý josparlanǵan (2017 jyldyń 15 qańtary).
Áńgime Taıaý Shyǵysta ádiletti ári myzǵymas beıbitshilikke qol jetkizý joldary jáne palestınalyq, ızraıldik memleketterdiń ómir súrýin qamtamasyz etý týrasynda órbıtin bolady
