EO Shyǵys Ierýsalımde qosymsha eldi mekenderdiń salynýyna alańdaýshylyq bildirdi
Eýropalyq Odaq Izraıl Knessetiniń 2023 jylǵa arnalǵan túzetilgen bıýdjette bekitilgen eldi mekender qurylysyn jáne soǵan baılanysty is-sharalardy qosymsha qarjylandyrý týraly sheshimine alańdaýshylyq bildiredi, dep habarlaıdy Kazinform.
Eýropalyq Odaq Izraıldiń Shyǵys Ierýsalım men onyń aınalasyndaǵy qonystandyrý saıasaty men is-áreketine qarsylyq tanytty.
Bul qosymsha bıýdjetti bekitý basyp alynǵan batys jaǵalaýda ekstremıstik qonystanýshylar tarapynan palestınalyqtarǵa qarsy zorlyq-zombylyqtyń kúsheıýi aıasynda jasalyp otyr ári buryn-sońdy bolmaǵan deńgeıge jetti, dep jazdy Eýropanyń syrtqy áreket qyzmeti.
- 7 qazanda HAMAS-tyń Izraılge jasaǵan lańkestik áreketinen keıin qonystanýshylar zorlyq-zombylyǵy kúrt ósti jáne shamamen 1000 palestınalyq úılerin tastap ketýge májbúr boldy. Zańsyz qonystardyń keńeıýi jáne palestınalyqtardyń májbúrli qonys aýdarýy batys jaǵalaýdaǵy qaýipsizdikke nuqsan keltiredi. Bul Izraıldi qaýipsiz ete almaıdy. Eldi mekender halyqaralyq gýmanıtarlyq quqyqtyń óreskel buzylýy, «eki memleketti sheshimge» eleýli kedergi jáne aımaqtyq turaqtylyqqa qaýip tóndiredi, - dep atap ótti Eýroodaq.
