EO Shengen aýmaǵyna Horvatııanyń kirýin qoldady

BRıÝSSELЬ. QazAqparat – Beısenbi kúni Brıýsselde Eýropalyq odaqqa múshe elderdiń ádilet mınıstrleri men ishki ister mınıstrleriniń otyrysy ótti, dep habarlaıdy QazAqparat menshikti tilshisi.

EO Ádilet jáne ishki ister keńesi otyrysynyń qorytyndysy boıynsha Horvatııaǵa qatysty Shengen zańnamasyn tolyq qoldaný týraly sheshim qabyldandy. «Chehııanyń EO-ǵa tóraǵalyǵy kezinde Horvatııa eýropalyq ıntegratsııasynda eki mańyzdy qadam jasaǵanyna qýanyshtymyn. Ol eýroǵa jáne Shengen aımaǵyna qosyldy. Bul sáttilik basqa da múshe elderge jol ashatynyna senimdimin. Biz áriptesterimizben taıaý bolashaqta Bolgarııa men Rýmynııany Shengen otbasyna kirgizý úshin bar kúshimizdi salamyz», - dedi Chehııanyń ishki ister mınıstri Vıt Rakýsan.

Іshki ister mınıstrleri sonymen qatar aqparattyq tehnologııa júıeleriniń úılesimdiligi men mıgranttardyń zańsyz kirýine qarsy turýdy qosa alǵanda, ishki qaýipsizdik sharalaryna basa nazar aýdara otyryp, Shengen aımaǵynyń jalpy jaǵdaıyn talqylady.

Eýropalyq BAQ-tyń jazýynsha, mınıstrler Horvatııany Shengen aımaǵyna qabyldaýdan bólek, Bolgarııa men Rýmynııanyń vızasyz aımauua kirýin qaraýy tıis edi. Buǵan Eýroodaqtyń basqa músheleri – Aýstrııa men Nıderland qarsy bolǵan.

«Aýstrııa Horvatııany qoldaıtynynǵ biraq 2007 jyly EO-ǵa kirgen Bolgarııa men Rýmynııaǵa qarsy ekenin anyq bildirdi. Al, nıderlandtyqtar Rýmynııany qabyldasa da, Bolgarııaǵa qarsy», - jazdy EUaktiv.

Aýstrııa men Nıderland bolgarııalyq jáne rýmynııalyq shekara baqylaý júıesi Eýropaǵa zańsyz mıgranttardy ótkizý úshin álsiz dep esepteıdi.

Eske salsaq, 2023 jyldyń 1 qańtarynan bastap Horvatııa Shengen aımaǵyna qosylady. https://kaz.inform.kz/news/horvatiya-shengen-aymagyna-kosyluga-dayyndalyp-zhatyr_a4002219

Foto: aa.com.tr