EO sammıtterine TikTok pen YouTube blogerlerin kirgizý usynyldy
ASTANA. KAZINFORM – Eýroodaq TikTok pen YouTube platformalaryndaǵy ınflıýenserlerdi sammıtter men jekelegen mınıstrlikterdiń kezdesýlerine qatystyrýdy josparlap otyr. Bul týraly Politico Brıýsseldegi derekkózderge silteme jasap habarlady.
Bastamaǵa sáıkes, TikTok pen YouTube ókilderi Brıýsseldegi Eýroodaq keńesiniń shtab-páterine kire alady. Qazirgi ýaqytta bul ǵımaratta tek EO ınstıtýttarynda akkredıtatsııadan ótken jýrnalıster ǵana jumys isteıdi.
Alaıda ınflıýenserler úshin mańyzdy shekteý qarastyrylǵan. Olarǵa mınıstrler men EO elderiniń basshylaryna suraq qoıýǵa tyıym salynady.
Derekkózderdiń málimetinshe, Brıýsseldegi aqparat máseleleri jónindegi jumys tobynda jobany talqylaý dıplomattardy tańǵaldyrǵan. Keıbiri shilde aıynda bastalatyn Eýroodaq keńesiniń bul bastamasyna «qatty tań qalǵanyn» aıtqan.
Atyn jarııalamaýdy suraǵan dıplomatııalyq korpýs ókilderiniń bir bóligi mundaı sharalarǵa blogerlerdi tartýdyń praktıkalyq paıdasyn kórmeıtinin málimdedi. Olardyń pikirinshe, ınflıýenserler Eýroodaq keńesiniń qurylymy men qyzmetin jetkilikti deńgeıde túsinbeýi múmkin.
Joba Halyqaralyq baspasóz qaýymdastyǵy tarapynan da synǵa ushyrady. Uıym ókilderi ınflıýenserlerdiń akkredıtatsııalanǵan jýrnalısterden aıyrmashylyǵy – «maqtaý sıpatyndaǵy materıaldarǵa kimniń aqy tóleıtinin jarııalaýǵa mindetti emes» ekenin atap ótti.
Bastama talqylaý kezeńiniń ózinde jýrnalıstıka men ınflıýenser mádenıetiniń ara-jigi, sondaı-aq saıası protsesterdi jarııa etýdegi ashyqtyq máseleleri jóninde pikirtalas týǵyzdy.
Eske sala ketsek, buǵan deıin Eýroodaq Metany Instagram jáne Facebook platformalarynda balalardy qorǵaý erejelerin buzdy dep aıyptaǵan edi.
