EO reseılik ushaqtarǵa áýe keńistigin jaýyp, Ýkraınaǵa qarý-jaraq jetkizýge ruqsat berdi

BRıÝSSELЬ. QazAqparat - «Taǵy bir tyıym salyndy»: Eýropa dıplomatııasynyń basshysy Jozep Borrel EO-nyń Ýkraınaǵa qarý-jaraq jetkizýdi bastaý týraly sheshimin osylaı túsindirdi. Sonymen birge, Eýropalyq Odaq reseılik ushaqtardyń, sonyń ishinde bıznesmender men olıgarhtardyń jeke kólikteriniń ushýyna tolyq tyıym salady, dep habarlaıdy QazAqparat Euronews-ke silteme jasap.

Eýropalyq komıssııa tóraǵasy Ýrsýla fon der Leıen budan buryn Euronews telearnasyna bergen suhbatynda: «Eýropalyq Odaq tarıhta alǵash ret shabýylǵa ushyraǵan elge qarý-jaraq pen basqa da jabdyqtardy satyp alýdy jáne jetkizýdi qarjylandyrady», - degen edi. Eýrokomıssııanyń málimeti boıynsha, áńgime qarý-jaraqqa 450 mıllıon eýro jáne taǵy 50 mıllıon eýrony medıtsınalyq qural-jabdyqtar sııaqty basqa da jabdyqtaý túrlerine jumsaý jospary týraly bolyp otyr.

«Biz Eýroodaqtyń áýe keńistigin Reseıge jaýyp jatyrmyz. Biz Reseıge tıesili, Reseıde tirkelgen, Reseı baqylaýyndaǵy barlyq ushaqtarǵa tyıym salyp jatyrmyz. Olar endi Eýroodaqtyń áýe keńistigi arqyly qonyp, usha almaıdy», - dedi Eýrokomıssııa tóraǵasy.

EO sondaı-aq reseılik RT jáne Sputnik telearnalarynyń habar taratýyna tyıym salady jáne bul olardyń enshiles kompanııalaryna da qatysty. Sanktsııalardyń bólek paketi Aleksandr Lýkashenko úkimetine qarsy.

Eske salaıyq, 24 aqpanda Reseı prezıdenti Vladımır Pýtın Donbass respýblıkalary basshylarynyń úndeýine jaýap retinde arnaıy áskerı operatsııa júrgizý týraly sheshim qabyldaǵanyn aıtqan. Ol Máskeýdiń josparlarynda Ýkraına aýmaqtaryn okkýpatsııalaý joq ekenin, maqsat eldi demılıtarızatsııalaý jáne denazııalandyrý ekenin atap ótti.

Ýkraına áskerı jaǵdaı jarııalap, Reseımen dıplomatııalyq qarym-qatynasyn úzdi. Ýkraına prezıdenti jalpy jumyldyrý týraly jarlyqqa qol qoıdy.

Buǵan deıin Eýroodaq Ýkraınadaǵy áskerı operatsııaǵa baılanysty Reseı prezıdenti Vladımır Pýtındi, premer-mınıstr Mıhaıl Mıshýstındi, syrtqy ister mınıstri Sergeı Lavrovty, RF Qaýipsizdik keńesi tóraǵasynyń orynbasary Dmıtrıı Medvedevti, ishki ister mınıstri Vladımır Kolokoltsevti «qara tizimge» engizgen bolatyn.