EO Reseıdiń «Aeroflot» kompanııasyna Belarýske baılanysty sanktsııa salýy múmkin

NЬıÝ-IORK. TASS-QazAqparat – Eýroodaq jeltoqsan aıynyń basynda Polsha-Belarýs shekarasyndaǵy jaǵdaıǵa baılanysty «Aeroflotqa» qarsy sanktsııalar engizýdi qarastyryp jatyr.

Reseılik TASS-tyń jazýynsha, bul týraly sársenbi kúni Bloomberg agenttigi Eýroodaqtaǵy belgisiz sheneýnikke silteme jasap málimdegen, dep habarlaıdy QazAqparat.

Agenttiktiń málimetinshe, sanktsııaǵa «Aeroflottan» bólek, Turkish Airlines túrik áýe kompanııasy da ushyraýy múmkin.

Eýroodaq bul kompanııalar Mınskke Taıaý Shyǵys elderinen mıgranttar tasymaldaıdy dep esepteıdi. Olar keıin Polshamen shekaradan ótýge umtylyp júr. Sanktsııa boıynsha tolyq sheshim qabyldanǵan joq.

Sársenbi kúni Eýropalyq komıssııanyń basshysy Ýrsýla fon der Lıaıen Aq úıde AQSh prezıdenti Djo Baıdenmen kelissózderden keıin Eýropalyq Odaq pen AQSh Belarýske buryn engizilgen sanktsııalardy keńeıtýge nıetti ekenin jáne jeke jáne zańdy tulǵalarǵa da shekteý salynatynyn aıtty.