EO plastıkalyq paketterge tyıym salmaq
ASTANA. QazAqparat - Sýpermarketterde biz tamaq salatyn paketterdi paıdalanýǵa tyıym salynýy múmkin, dep jazady 24.kz.
Eýropalyq Odaq parlamenti osy máseleni daýysqa salmaq. Onyń sebebi, plastıkalyq paketter men polıetılendi paketterdiń qurlyq pen kóptegen elderde kólder men sýlardy lastaıtyndyǵynda. Juqa plastıkalyq qapshyqtar muhıttarda balyq pen tabıǵatqa zııandy, soǵan baılanysty EO plastıkalyq paketterdi paıdalanýdy qysqartqysy keledi.
EO-ǵa múshe elder sheshim kúshine engennen keıin úsh jyl ishinde plastıkalyq paketterdi paıdalanýdy 50 paıyzǵa, bes jyl ishinde 80 paıyzǵa deıin qysqartpaq. Tabıǵatty lastaýshy plastıkalyq paketter kóptegen elderde ózekti máselege aınalyp otyr. EO-nyń on bir eli ózleriniń plastıkalyq qaldyqtarynyń kóp bóligin jerge kómedi.
