EO Palestınanyń aldaǵy ýaqytta ómirge beıimdi memleket bolýy úshin negiz qalaýda

Bul týraly Ramallada Palestına avtonomııasy úkimetiniń premer-mınıstri Salam Faııadpen bolǵan kezdesý qorytyndylarynda Eýrokomıssııanyń tóraǵasy Joze Manýel Barrozý málimdedi, dep habarlaıdy EO-nyń basty atqarýshy organy jetekshisiniń baspasóz qyzmetinen.

«Instıtýttar men ınfraqurylymdy damytý arqyly biz eki memlekettiń qurylýyna úlesimizdi qosýdamyz. Bul bizdiń maqsatymyzǵa aınalady - beıbitshilik pen qaýipsizdikte kórshiles turyp jatqan eki memleket», - dedi J.Barrozý.

Bul rette Eýrokomıssııanyń tóraǵasy kórsetilip otyrǵan kómektiń naqty mysalyn keltirip, Palestına premerimen kezdesýden keıin Ierıhonǵa baryp, Eýrokomıssııamen birigip qarjylandyrylatyn polıtsııa kolledjin ashatynyn atap ótti. Kolledjde sondaı-aq 20 mıllıon eýroǵa yntymaqtastyq týraly kelisimge qol qoıý josparlanýda, bul qarajat avtonomııadaǵy zańnyń ulyqtylyǵy men demokratııany qoldaýǵa baǵyttalǵan. «Bul qoldaýymyzdyń sózben ǵana emes, is júzinde bolyp turǵanyn kórsetýde», - dep atap ótti J.Barrozý.