EO-nyń Joǵarǵy ókili Malıdegi jaǵdaıdy talqylaý úshin Syrtqy ister jónindegi keńestiń kezekten tys otyrysyn shaqyrýda
BRıÝSSELЬ. 15 qańtar. QazAqparat - EO-nyń Syrtqy ister jáne qaýipsizdik saıasaty jónindegi Joǵarǵy ókili Ketrın Eshton Malıdegi jaǵdaıdy talqylaý úshin osy aptaǵa Syrtqy ister jónindegi keńestiń kezekten tys otyrysyn belgiledi.
Oǵan Eýroodaqqa múshe-elder SІM-niń 27 basshysy kiredi.
Bul týraly eýropalyq sheneýniktiń baspasóz qyzmetinen habarlandy.
K. Eshton atap ótkendeı, ol Malıdegi sońǵy oqıǵalarǵa qatysty, sondaı-aq Malı úkimeti jáne osy el halqyna qoldaý kórsetý úshin Eýroodaq atqarýy múmkin is-áreketter týrasynda Frantsııanyń syrtqy ister mınıstri Loran Fabıýspen telefon arqyly sóılesti.
Esterińizge sala keteıik, Malıdegi jaǵdaı sońǵy aptalarda ýshyǵa tústi. Eldiń soltústik aýmaqtaryn basyp alǵan ekstremıstik toptardyń sodyrlary eldiń ortalyq bóligindegi úkimettik áskerı jasaqtarǵa shabýyldaı bastady. Úkimettik áskerlerge kómekke 10 qańtar kúni Malıge frantsýzdyq áskerıler keldi. Kelesi kúni Malı bıligi eldiń barlyq aýmaǵynda tótenshe jaǵdaı engiziletindigi jáne jappaı mobılızatsııa týraly jarııalady.
