EO Nıgerııa ókimetine oqýshy qyzdardyń urlanýyna baılanysty kómek usyndy
BRıÝSSELЬ. QazAqparat - Eýroodaq Nıgerııada sáýirdiń ortasynda urlanǵan 200 oqýshy qyzdy shuǵyl bosatýdy talap etti jáne Nıgerııa ókimetine qylmysty tekserýge kómek usyndy.
Bul týraly EO syrtqy ister jónindegi keńesiniń Brıýsselde ótken otyrysynda aıtylǵan.
«Eýroodaq jáne EO múshe-memleketteri Nıgerııaǵa osy qylmysty tekserýde, sondaı-aq ókimettiń azamattardy qorǵaý jáne lańkestikke qarsy turý jónindegi basqa da is-qımyldaryna kómektesýdi usynady», - delingen otyrystyń qorytyndy qujatynda. EO syrtqy ister jónindegi keńesi osy qylmysqa kinálilerdi sotqa tartýǵa shaqyrdy.
Budan buryn habarlanǵandaı, Nıgerııanyń soltústigindegi Borno shtatynyń Chıbok qalashyǵynda sáýirdiń 14-inen 15-ine qaraǵan túnde «Boko haram» sodyrlary 12-15 jastardaǵy 300-ge tarta mektep oqýshy-qyzdaryn urlap ketti, olardyń 53-ine qashyp shyǵýdyń sáti tústi. Budan basqa, 4 mamyr kúni keshte Varabe derevnıasynda taǵy 11 oqýshy qyz urlanǵan. «Boko haram» oqý ornyna shabýylynyń sebebin «batystyq bilim toqtatylýy tıis, al qyzdar mektepten shyǵyp, kúıeýge shyǵýlary qajet» dep túsindirdi.
Nıgerııaǵa Ulybrıtanııa, Frantsııa jáne Qytaı ózderiniń kómekterin usyndy. AQSh prezıdenti Barak Obama urlanǵan qyzdardy qutqarý úshin AQSh «qoldan kelgenniń bárin» isteıtinine ýáde berdi. AQSh Nıgerııaǵa kelissózder júrgizý úshin áskerı qyzmetshileri men mamandaryn jiberdi.
