EO mınıstrleri Irandaǵy shıelenisti talqylaýǵa jınalady

ASTANA. KAZINFORM – Dúısenbi kúni Brıýssel qalasynda Eýropalyq Odaqtyń Syrtqy ister keńesiniń otyrysy ótedi. Onda EO-ǵa múshe memleketterdiń syrtqy saıasat vedomstvolarynyń basshylary bas qosady, dep habarlaıdy Kazinform agenttiginiń menshikti tilshisi.

Jeksenbi kúni EO-nyń syrtqy ister jáne qaýipsizdik saıasaty jónindegi joǵary ókili Kaıa Kallas bylaı dedi:

– Iranǵa ıadrolyq qarý jasaýǵa jol berýge bolmaıdy, óıtkeni bul halyqaralyq qaýipsizdikke qaýip tóndiredi. Barlyq taraptardy sheginip, kelissózder ústeline qaıta otyrýǵa jáne jaǵdaıdyń odan ári ýshyǵýyna jol bermeýge shaqyramyn, – dedi.

Onyń aıtýynsha, EO syrtqy ister mınıstrleri bul máseleni dúısenbi kúni arnaıy talqylaıdy.

Eske sala keteıik, AQSh Irannyń ıadrolyq nysandaryna soqqy jasap, Tramp operatsııany sátti dep atady.

Artynsha Donald Tramp Irannyń ýran baıytý nysandaryn tolyqtaı joıǵanyn málimdedi.

Búgin QR SІM Taıaý Shyǵystaǵy ahýalǵa baılanysty málimdeme jasady.