EO messendjerlerdegi chattardy mindetti baqylaýdan bas tartty
ASTANA. KAZINFORM — Eýroodaq WhatsApp jáne Signal sııaqty messendjerlerdi paıdalanýshylardyń jeke hattaryn avtomatty túrde tekserýge mindetteýden bas tartty, dep habarlaıdy Bild.
Eýropalyq Odaq messendjerlerdi paıdalanýshylardyń jeke hattaryn, balalar pornografııasyn avtomatty túrde baqylaý josparyn qaıta qarady. Onyń ishinde WhatsApp jáne Signal qoldanbalary da bar.
Brıýsseldegi dıplomattardyń aıtýynsha, bul jospar kóptegen elderdiń, sonyń ishinde Germanııanyń qoldaýyna ıe bola almady. Sondyqtan kún tártibinen alynyp tastaldy.
Eýropalyq komıssııanyń 2022 jyly usynǵan bastamasynda barlyq ınternet-platformalar jeke habarlamalardy skanerlep, kúdikti mátinder týraly avtomatty túrde esep berýi kerek dep boljaǵan.
Germanııa, Avstrııa jáne Nıderlandy bul usynysqa qarsy shyǵyp, ony «jeke ómirge qaýip» dep atady.
Ymyraǵa keletin sheshim jalǵyz sheshim — qazirdiń ózinde bar erikti baqylaýdy saqtaý. Máselen, kompanııalar balalarǵa qatysty zorlyq-zombylyq derekterin derbes anyqtap, bılikke habarlaı alady.
Buǵan deıin Eýropalyq Odaq tanymal messendjerdi retteýdi kúsheıtetinin jarııalaǵan bolatynbyz.