EO men odaqtastar Ýkraınaǵa qoldaý kórsetýge daıyn: 19 tamyzda vıdeokonferentsııa ótedi

ASTANA. KAZINFORM — Germanııa kantsleri Frıdrıh Mertstiń málimetinshe, Astana ýaqytymen saǵat 16:00–de Eýropalyq keńestiń arnaıy otyrysy ótedi. Onda qatysýshylar Vashıngtondaǵy kezdesýler barysynda júrgizilgen talqylaýlardyń barysy týraly aqparatpen bólisedi, dep jazdy Kazinform agenttiginiń menshikti tilshisi TASS-qa silteme jasap.

Mertstiń aıtýynsha, barlyǵy 32 memleket Ýkraınaǵa qosymsha kómek kórsetýge daıyn ekenin bildirgen. Ol sondaı-aq AQSh prezıdenti Donald Tramp pen Ýkraına prezıdenti Vladımır Zelenskııdiń Aq úıdegi kezdesýi óte jaqsy ótkenin atap ótti.

— Kezdesý óte erkin atmosferada ótti. Biz aldaǵy kúnder men aptalarda tyǵyz yntymaqtastyqty jalǵastyrýǵa jáne bir-birimizben odan ári kezdesýler ótkizýge ýaǵdalastyq. Bul — birneshe kezdesýler tizbegi boldy. Biz osy bastalyp ketken bastamany tabysty aıaqtaý úshin aldaǵy kúnder men aptalarda óte tyǵyz baılanysta bolýǵa kelistik. Alda áli kóp jumys tur, biraq biz ony oryndaýǵa belimizdi bekem býdyq, — dedi Merts dúısenbi kúni Aq úıde ótken kelissózderden keıin jýrnalısterge.

Eske sala keteıik, buǵan deıin Aq úıde Tramp, Zelenskıı jáne eýropalyq kóshbasshylar arasynda kópjaqty kezdesý ótken bolatyn. Kezdesýdiń qalaı ótkeni týraly tolyq aqparatty joǵaryda oqýǵa bolady.

Bul materıal Kazinform agenttigine TASS seriktestik negizinde usynǵan.

Eske sala keteıik, buǵan deıin Tramp pen Pýtın Zelenskıımen kelissózden keıin ne týraly sóıleskenin jazǵan edik.