EO men NATO-nyń basshylary joıqyn zilzalaǵa baılanysty Túrkııaǵa kóńil aıtty
BRıÝSSELЬ. 24 qazan. QazAqparat /Dımash Syzdyqov/ - Eýroodaq pen NATO-nyń basshylary Túrkııanyń ońtústik-shyǵysyndaǵy Van provıntsııasynda bolǵan jer silkinisine oraı kóńil bildirdi.
Apattan kem degende 80 adam qaza taýyp, júzdegen adam jaraqat aldy, ondaǵan ǵımarat túgeldeı qırap qalǵan.
«Biz Túrkııanyń ońtústik-shyǵysynda bolǵan joıqyn zilzala habaryna qatty qaıǵyrdyq. Biz qaza tapqandar men jaraqat alǵandardyń otbasylarymen birgemiz. Túrkııanyń bıligi men halqyna kóńil aıtamyz», - delingen Eýroodaq Keńesiniń prezıdenti ES Herman Van Rompeı men Eýrokomıssııa tóraǵasy Joze Manýel Barrozanyń birlesken málimdemesinde.
Óz kezeginde NATO-nyń Bas hatshysy Anders Fog Rasmýssen Soltústikatlantıkalyq alıans atynan jer silkinisiniń qurbandaryna kóńil aıtyp, tabıǵat apatynyń saldaryn joıýda Túrkııa bıligine kez kelgen kómek berýge daıyndyq týraly málim etti.
Jeksenbi kúni jergilikti ýaqyt boıynsha saǵat 13.40-ta Túrkııanyń Van provıntsııasynda 7,2 baldyq joıqyn zilzala boldy. Qutqarýshylar úıindiler astynda qalǵan adamdardy qutqarýda, qaza tapqandar men zardap shekkenderdiń naqty sany áli belgisi. Aldyn ala boljam boıynsha, jer silkinisinen qaza tapqandardyń sany myń adamǵa deıin jetýi múmkin. Qazirgi tańda qutqarýshylar jaraqat alǵan 200 adamdy aýrýhanaǵa jetkizdi, 80 adamnyń opat bolǵany anyqtaldy. Qyzyl krest esebin súıensek, provıntsııada kem degende 50 turǵyn úı túgelimen qırap, myńǵa jýyq ǵımaratqa zaqym kelgen. Van qalasynan basqa Túrkııanyń shyǵysyndaǵy taǵy birneshe qala, sonyń ishinde Kars, Ardagan jáne Erzýrým qalalary zardap shekti.
Van qalasyna Túrkııanyń premer-mınıstri Redjep Taııp Erdogan attanǵan.
