EO men QR qarym-qatynasy dál mundaı berik bolǵan emes - Lıýk Devın
BRıÝSSELЬ. Aqparat - Qazaqstan men Eýropalyq Odaq arasyndaǵy dıplomatııalyq qarym-qatynastardyń 25 jyldyǵy qarsańynda, Eýropalyq syrtqy ister qyzmetiniń Reseı, Shyǵys seriktestik elderi, Ortalyq Azııa jáne EQYU boıynsha basqarýshy dırektory Lıýk Devın EO men Qazaqstannyń qarym-qatynas deńgeıine baǵa berdi.
Qazaqstan men Eýropalyq Odaq arasyndaǵy dıplomatııalyq qarym-qatynas 1993 jyldyń 2 aqpanynda ornady.
«Bul jyldary Qazaqstan damý turǵysynan aýqymdy jetistikterge qol jetkizdi. EO jáne Qazaqstan arasyndaǵy mundaı tyǵyz qarym-qatynas buryn-sońdy bolmaǵan», - dedi eýropalyq dıplomat.
Onyń aıtýynsha, Eýropalyq odaq Qazaqstannyń halyqaralyq alańdaǵy belsendi rólin jáne BUU Qaýipsizdik Keńesine múshe bolýyn qýattaıdy. Spıker ıadrolyq qarýdy taratpaý rejimin kúsheıtý jáne jahandyq turaqtylyq isindegi Qazaqstannyń aıryqsha rólin atap ótti.
«Biz Qazaqstannyń óńirdegi jáne beıbitshilikpen qamtamasyz etýdegi jahandyq rólin joǵary baǵalaımyz. EO Qazaqstannyń alǵashqy saýda seriktesi, alǵashqy ınvestory bolǵanyn maqtan tutady. Bul bizdiń Qazaqstannyń bolashaǵyna senim artatynymyzdy bildiredi», - dedi Lıýk Devın.
Spıker QR men EO qarym-qatynastarynyń jańa paraǵyn ashqan, 2015 jyldyń 21 jeltoqsanynda Astanada qol qoıylǵan Keńeıtilgen seriktestik pen yntymaqtastyq týraly kelisimge basa nazar aýdardy.
«Eki jyl buryn Keńeıtilgen seriktestik pen yntymaqtastyq týraly kelisimge qol qoıǵanymyzǵa qýanyshtymyn, bul kelisim yntymaqtastyq aıasyn keńeıtip, kóptegen salalarda qarym-qatynasymyzdy tereńdete tústi», - dep atap ótti ol.
Keńeıtilgen seriktestik pen yntymaqtastyq týraly kelisim ekonomıka men saýda, terrorızm men jappaı qyryp-joıý qarýyn taratýǵa qarsy is-áreket, klımattyń ózgerýi, densaýlyq saqtaý, memlekettik qarjyny basqarý jáne salyq salý sekildi yntymaqtastyqtyń 29 salasyn qamtıdy.
Odan bólek, bul qujatta QR men EO azamattary úshin vızalyq rejımdi jeńildetý týraly kelisimshartty readmıssııa týraly kelisimmen bir mezgilde jasaý múmkindigi týraly ýaǵdalastyq bekitilgen.
«Ótken jyly Qazaqstannyń EO azamattary úshin vızalyq talaptardy alyp tastaǵany úshin alǵys bildiremiz. Bul ashyqtyqtyń belgisi jáne bul qadam Qazaqstanǵa da paıdasyn tıgizedi. Sebebi, EO - Qazaqstannyń iri saýda seriktesi jáne ınvestory», - dedi Devın.
