EO men Belgııa Gazaǵa gýmanıtarlyq kómek jetkizý úshin kúsh biriktirdi
ASTANA. KAZINFORM - Eýrokomıssııa men Belgııa Brıýsselden Iordanııa arqyly Gazaǵa jańa gýmanıtarlyq kómek tasymalyn uıymdastyrdy.
Kómek Brıýsselde ornalasqan Human Smile qaıyrymdylyq uıymy jınaǵan 240 tonna taýardan turady. Onyń ishinde gıgıenalyq zattar, matratstar, jastyqtar, sondaı-aq sábılerge arnalǵan qurǵaq sút jáne muqtaj palestınalyqtarǵa kómektiń basqa túrleri bar.
Eýropalyq komıssııa júktiń jetkizilýin qamtamasyz etedi jáne kólik shyǵyndaryn óteıdi. Júk teńiz arqyly Iordanııaǵa jetkizilip, odan keıin Gazaǵa jiberiledi.
«Men Belgııa men Brıýsseldiń birlesip qurylǵan bul bastamasyn quptaımyn. Bul Eýropalyq Odaqtyń, EO-ǵa múshe memleketterdiń jáne bizdiń gýmanıtarlyq seriktesterimizdiń adamdarǵa qalaı kómektesetininiń tamasha úlgisi», - dedi daǵdarysty basqarý jónindegi komıssar ıAnez Lenarchıch.
Onyń aıtýynsha, mundaı dramalyq daǵdarysqa qarsy turý úshin, Gaza sektoryndaǵy beıbit turǵyndardyń qaıǵy-qasiretin jeńildetý úshin durys sheshim qabyldap, yntymaqtastyqtyń jańa múmkindikterin zertteý kerek.
