EO Majarstandy ýaqytsha daýys berý quqyǵynan aıyrmaq

ASTANA. KAZINFORM – Eýropalyq Odaq Majarstandy EO Keńesinde ýaqytsha daýys berý quqyǵynan aıyrý múmkindigin qarastyryp jatyr, dep habarlaıdy Kazinform menshikti tilshisi.

Bul talqylaý Odaq ókilderiniń pikirinshe, Majarstan áreketteriniń quqyq ústemdigi, sóz bostandyǵy sııaqty sheshýshi qundylyqtarǵa qarama-qaıshylyǵymen baılanysty bolyp otyr.

Eýropalyq Odaq Keńesi veb-portaldaǵy kún tártibine sáıkes 27 mamyr kúni ótetin májiliste Majarstandy daýys berý quqyǵynan aıyrý múmkindigine qatysty tyńdaý ótkizdi.

Bul Eýropa parlamenti 2018 jyly Majarstanǵa qarsy 7-shi bapty qoldaný protsedýralaryn bastaǵaly segizinshi tyńdaý bolyp otyr.

EO Kelisiminiń 7-shi baby eger EO-ǵa múshe memleket uıymnyń negizgi ustanymdaryn qaıta-qaıta buza beretin bolsa, ony Keńeste daýys berý quqyǵynnan aıyrý múmkindigin qarastyrady.

Eger shara qolǵa alynsa, ol EO-nyń uıymǵa múshe memleketterdiń barlyǵy biraýyzdan daýys berýi tıis sheshim qabyldaý úderisine áser etedi.

Osyǵan deıin Eýropalyq Odaqtyń Temu-ge qarsy dabyl qaqqany týraly jazdyq.