EO kóshbasshylary 2014-2020 jyldarǵa arnalǵan bıýdjet boıynsha mámilege keldi, Eýroodaq tarıhynda alǵash ret shyǵyndar qysqarady
BRıÝSSELЬ. 8 aqpan. QazAqparat - Eýroodaq kóshbasshylary 20 saǵatqa jýyq sozylǵan kelissózderden keıin 2014-2020 jyldardyń bıýdjettik jospary boıynsha mámilege qol jetkizdi, onda EO-nyń búkil tarıhynda alǵash ret shyǵyndar qysqarmaq.
Joǵary deńgeıdegi kezdesý qorytyndylary boıynsha ótken baspasóz máslıhatynda EO Keńesiniń tóraǵasy Herman Van Rompeı EO kóshbasshylary 2014-2020 jyldarǵa arnalǵan qysqartylǵan bıýdjet josparyn shyǵyndar boıynsha 959 mıllıard eýro jáne kirister boıynsha 908 mıllıard eýro mólsherinde bekitkenin atap ótti. "Tarıhta alǵash ret bıýdjet jospary ótken jeti jylǵy kezeńdegiden az bolyp kelisildi", - dep atap ótti EO Keńesiniń basshysy.
Sóıtip, jańa bıýdjet kólemi kiris boıynsha da, shyǵys boıynsha da 44 mıllıard eýroǵa qysqardy.
"Ol eshkimge de minsiz emes, biraq ta ol naqty, bolashaqqa baǵdarlanǵan jáne bizdiń mazasyzdanýymyzǵa jaýap beredi", - dep atap ótti EO basshysy.
H.Rompeıdiń aıtýynsha, qysqartýlarǵa qaramastan, EO-nyń jańa jetijyldyq bıýdjetinde ınnovatsııalarǵa, energııa jobalaryna jáne jastar men stýdentterdi qoldaýǵa qarajat ulǵaıtylatyn bolady.
Sonymen qatar, EO basshysy EO bıýdjettik jospary boıynsha kelissózder áli aıaqtalmaǵanyn atap ótti. Endi EO Keńesi mınıstrler deńgeıinde qarap, sammıt ustanymyn jalpy qujatqa aınaldyryp, Eýroparlamenttiń qaraýyna beredi.
Óz kezeginde sammıt qorytyndysyna túsinikteme bere otyryp, Eýroparlamenttiń barlyq negizgi fraktsııalary sammıt sheshimin Eýroodaq pen osy birlestik azamattarynyń múddelerine saı kelmeıdi dep sanaıdy.
"Bul kelisim eýropalyq ekonomıkanyń básekege qabilettiligin kúsheıtpeıdi, qaıta ony álsiretedi. Bul eýropalyq azamattardyń birinshi kezektegi múddelerine sáıkes kelmeıdi. Eýropalyq parlament Eýroodaq Keńesiiniń qazirgi ýaǵdalastyǵyn bul kúıinde qabyldaı almaıdy. H.Rompeı sońǵy aılarda bizben kelissózder júrgizbegenine ókinemiz", - dep atap ótilgen eýropalyq zańshyǵarý organy fraktsııalary kóshbasshylary taratqan málimdemede.
Sondyqtan da Eýroodaqtyń jańa bıýdjeti Eýroparlamentte bekitý rásiminen ótýi tıis bolǵandyqtan, aldaǵy jeti jylǵa arnalǵan bıýdjet jospary boıynsha pikirtalastar aıaqtaldy dep aıtýǵa áli erterek.
