EO kóshbasshylary men Zelenskıı Tramppen kezdesý aldynda kelissózder júrgizdi

ASTANA. KAZINFORM – Onlaın kezdesýge Germanııa kantsleri Frıdrıh Merts, Fınlıandııa prezıdenti Aleksandr Stýbb, Frantsııa prezıdenti Emmanýel Makron jáne Italııa, Danııa, Polsha, Nıderland, Norvegııa jáne Shvetsııa premer-mınıstrleri qatysty, dep habarlaıdy Kazinform DW-ge silteme jasap.

Sondaı-aq bul qatarǵa Kanada premer-mınıstri Mark Karnı, NATO Bas hatshysy Mark Rıýtte, Eýropalyq keńes tóraǵasy Antonıo Kosta jáne Eýropalyq komıssııa tóraǵasy Ýrsýla fon der Leıen qosyldy. 

Ýkraına prezıdenti keıin áleýmettik jelide talqylaý taqyryby Kıevtiń qazir júrip jatqan «dıplomatııalyq joly», sondaı-aq «eń mańyzdy basymdyqtar» ekenin habarlady. 

Zelenskıı Donald Tramppen kezdesýinen keıin Ýkraınanyń eýropalyq seriktesterimen taǵy bir keńes ótkizedi. 

Eske salsaq, osyǵan deıin AQSh Ýkraınaǵa 15 jyldyq qaýipsizdik kepildigin usynǵanyn jazǵan edik.