EO kóshbasshylary Brıýsselde mańyzdy máselelerdi talqylap jatyr
ASTANA. KAZINFORM — Beısenbi kúni Brıýsselde Eýropalyq keńestiń eki kúndik sammıti bastaldy, onda EO elderiniń kóshbasshylary eýropalyq ekonomıkanyń básekege qabilettiligi, energııanyń joǵary baǵasy, odaqtyń 2028-2034 jyldarǵa arnalǵan uzaq merzimdi bıýdjeti jáne Ýkraınany qoldaý máselelerin talqylaıdy, dep habarlaıdy Kazinform agenttiginiń Belgııadaǵy menshikti tilshisi.
Jıynǵa Eýropalyq keńestiń tóraǵasy Antonıý Koshta jetekshilik etedi. Sammıttiń alǵashqy kúninde ekonomıkalyq máselelerge basymdyq berildi.
EO kóshbasshylary energııa baǵasynyń ósýinen halyq pen bızneske túsetin salmaqty jeńildetý sharalaryn talqylamaq. Sondaı-aq sammıtte EO-nyń kópjyldyq qarjy jospary sóz bolyp, Irlandııa tóraǵalyǵy usynǵan bastamaǵa qatysty kelissózderge erekshe nazar aýdaryldy.
Sammıttiń ekinshi kúninde Ýkraına prezıdenti Vladımır Zelenskıı qatysady dep josparlanǵan. Buǵan qosa, Eýropanyń qorǵanysy men qaýipsizdigi, kóshi-qon, Eýropa odaǵynyń keńeıýi jáne Taıaý Shyǵystaǵy jaǵdaı talqylanady.
Sammıt geosaıası ahýal shıelenisken tusta ótip jatyr. Onda EO elderi ishki jáne syrtqy saıasattaǵy ózekti máseleler boıynsha ortaq ustanym qalyptastyrýǵa kúsh salady.
Buǵan deıin EO saýda soǵysyna jyldam toıtarys berý joldaryn qarastyryp jatqany habarlanǵan bolatyn.
