EO koronavırýsqa qarsy jańa Pfizer jáne Moderna vaktsınalaryn sertıfıkattady

BRıÝSSELЬ. QazAqparat - Eýropalyq dári-dármek agenttigi koronavırýsqa qarsy taǵy eki vaktsına — Pfizer jáne Moderna preparattaryn sertıfıkattady, dep habarlaıdy QazAqparat Euronews-ke silteme jasap.

Bular - osy jyly pandemııanyń keń etek alýyna sebepker bolǵan omıkron shtamymen kúresýge beıimdelgen vaktsınalar.

Sertıfıkattalǵan preparattar ınfektsııanyń áýelgi nusqasyna qarsy da tıimdi ekeni aıtyldy. Sarapshylar osy vaktsınalar vırýstyń budan keıingi de mýtatsııalarynan jaqsy qorǵaı alatynyna senim artyp otyr.

Bul preparattardyń jappaı qoldanylý-qoldanylmaýy áli belgisiz. Eýropalyq agenttik sońǵy dozany alǵannan keıin keminde úsh aıdan keıin revaktsınatsııa júrgizýdi usynady.

Foto: AP Photo / Ariel Schalit