EO koronavırýsqa qarsy vaktsına eksportyn qadaǵalaý sharalaryn kúsheıtpek

NUR-SULTAN. QazAqparat –Eýroodaq koronavırýsqa qarsy vaktsınanyń eksportyn retteıtin budan da qatań erejelerdi usynady. Bul týraly QazAqparat Bloomberg agenttigine silteme jasap habarlaıdy.

Agenttiktiń málimetinshe, jańa normalar Eýroodaqtyń vaktsınany jetkizý boıynsha jekelegen elderge eksport jasaý joldaryn jeńildetedi. Budan basqa, Eýroodaq sheshimderdi qabyldaý kezinde preparattardyń EO-dan jetkizilýin suraıtyn memleketterdegi vaktsınalaý qarqyny týraly málimetterge súıenetin bolady.

Agenttik ózgeristerdiń COVAX halyqaralyq mehanızmi aıasyndaǵy jetkizilimderge qatysy bolmaıtynyn naqtylap ótti.

Vaktsınany jetkizý, sondaı-aq olardy eksporttaý máseleleri EO-nyń 25-26 naýryz kúnderi ótetin onlaın-sammıti kezinde talqylanady.