EO koronavırýsqa qarsy kúreske 232 mln eýro bóledi
BRıÝSSELЬ. QazAqparat – Eýropalyq odaq COVID-19 koronavırýsynyń órshýine qarsy kúreske 232 mln eýro bóledi, dep habarlaıdy «QazAqparat» HAA menshikti tilshisi Eýrokomıssııanyń habarlamasyna silteme jasap.
«Vırýsty juqtyrǵandar sanynyń artýyna baılanysty qoǵamdyq densaýlyq saqtaý birinshi kezektegi basymdyqqa ıe bolady. Eýropadaǵy, Qytaıdaǵy nemese basqa elderdegi daıyndyqty artyrýda halyqaralyq qaýymdastyq birge jumys isteýi kerek», - dep keltirilgen habarlamada Eýrokomıssııa basshysy Ýrsýla fon der Lıaıenniń sózi.
«Bizdiń jańa kómek paketimiz Dúnıejúzilik densaýlyq saqtaý uıymyna qoldaý kórsetedi jáne densaýlyq saqtaý júıesi álsiz elder nazardan tys qalmaýy úshin maqsatty qarjylandyrýdy qamtamasyz etedi. Maqsatymyz – bul aýrýǵa jahandyq deńgeıde toıtarys berý», - dedi antıkrızıstik basqarý jónindegi eýrokomıssar ıAnez Lenarchıch.
Bólingen qarajattyń 114 mln eýrosy – DDU sharalaryn qoldaýǵa, 15 mln eýrosy – Afrıkadaǵy seriktes elderge, 90 mln eýrosy – farmatsevtik kompanııalarǵa jáne 10 mln eýro epıdemıologııa, dıagnostıka jáne terapııa salalaryndaǵy zertteýge, sondaı-aq aýrýdyń taralýyn toqtatýǵa bólinedi.
Taǵy 3 mln eýro Qytaıdyń Ýhan qalasynan Eýropalyq odaq memleketteriniń azamattaryn qaıtarýǵa baǵyttalady. Eýrokomıssııa EO elderiniń repatrıatsııaǵa arnalǵan kólik shyǵyndarynyń 75% jabady.
Avtory Tımýr Dúısekeev
