EO klımattyq turaqtylyq pen sý qaýipsizdigin arttyrý jobalaryna 86 mln eýro ınvestıtsııa salmaq

ASTANA. KAZINFORM — qarjylandyrý 2023 jylǵy baıqaý aıasynda iriktelgen jobalarǵa beriledi. Olar Danııa, Estonııa, Polsha, Slovenııa jáne Islandııada júzege asyrylady.

AZƏRTAC habarlaǵandaı, bul týraly aqparat Eýropalyq komıssııanyń resmı saıtynda jarııalandy.

Eýropalyq Odaq lastanǵan ózenderdi tazartý, sý sapasy men qoljetimdiligin jaqsartý, órt pen sý tasqynynan qorǵanysty kúsheıtý, sondaı-aq parnıktik gazdar shyǵaryndylaryn azaıtýǵa baǵyttalǵan jańa strategııalyq biriktirilgen jobalardy júzege asyrýǵa 86 mıllıon eýro bóledi.

Bul jobalar ulttyq, óńirlik jáne jergilikti bılik organdaryna EO-nyń ekologııalyq jáne klımattyq zańnamasyn iske asyrýǵa kómektesedi.

Eýrokomıssııa bul bastamalar EO-nyń basqa qarjylandyrý kózderinen qosymsha ınvestıtsııalar tartýǵa yqpal etedi dep boljap otyr. 

Olardyń qataryna aýyl sharýashylyǵy, qurylymdyq, óńirlik jáne zertteý qorlary, sondaı-aq ulttyq qorlar men jeke sektor ınvestıtsııalary kiredi.

Aıta ketelik Eýropalyq Odaq AQSh-tan energetıkalyq resýrstar satyp alýǵa mindetti bolady.