EO Kıprge 10 mlrd. eýro bóletin boldy
ASTANA. 25 naýryz. QazAqparat - Brıýsseldegi kelissózderde Eýroodaq elderiniń qarjy mınıstrleri bankrottyq jaǵdaıǵa jaqyndaǵan Kıprge 10 mlrd. eýro kólemindegi nesıge kelisti.
VVS orys qyzmetiniń habarlaýynsha, Kıprdiń qarjy mınıstri Mıhalıs Sarrıs bul qadam qalyptasqan tyǵyryqtan shyǵýdyń eń tıimdi joly ekenin, ıaǵnı onyń eli eýroaımaqtan shyǵyp qalýdan qutqarylǵanyn málimdedi.
Brıýsseldegi otyrysta Kıprde aýqymdylyǵy boıynsha ekinshi oryndaǵy Laiki bankin qaıta qurylymdaý týraly sheshim shyǵaryldy. 100 myń eýrodan astam somadaǵy esep-shottarǵa tyıym salynyp, al olardyń ıeleri 40 paıyzǵa deıingi jeke salymdarynan aıyrylýy múmkin.
Halyqaralyq valıýta qorynyń talaby boıynsha bul kelisim parlament arqyly ótpeıtin bolady. Al atalǵan eldi qutqarýdyń budan burynǵy josparyn, ıaǵnı barlyq shottardan arnaıy jınaqtaý jasaýdy engizýdi Kıprdiń parlamentshileri qabyldamaǵan edi.
