EO Keńesiniń prezıdenti Germanııa konstıtýtsııalyq sotynyń Grekııaǵa kómek kórsetýin zańdy dep tanyǵan sheshimin quptady
ıÝSSELЬ. 8 qyrkúıek. QazAqparat /Dımash Syzdyqov - Eýroodaq Keńesiniń (EO-nyń joǵarǵy organy - avt.) prezıdenti Herman Van Rompeı Germanııa federaldyq konstıtýtsııalyq sotynyń Grekııaǵa kómek kórsetýdi zańdy dep tanyǵan sheshimin quptady, dep habarlady EO Keńesiniń baspasóz qyzmeti.
«Men eýro aımaǵynda qarjylandyrý qıynshylyǵyna ushyraǵan elderge qoldaý kórsetý shemasynyń durystyǵyn qýattaǵan sot sheshimin quptaımyn. Bul sheshim memleketter men úkimetter basshylarynyń osy jylǵy 21 shildedegi sammıtte qol jetkizgen ýaǵdalastyqtaryn júzege asyrýǵa jańa serpin beredi, sondaı-aq, tutastaı alǵanda eýroaımaqtyń turaqtylyǵyn nyǵaıtýǵa járdemdesedi» - dedi H.Rompeı.
Esterińizge sala keteıik, munyń aldynda Germanııanyń konstıtýtsııalyq soty Berlınniń Grekııaǵa jáne basqa da eýro aımaǵyndaǵy problemaly elderge kómeginiń zańdylyǵyn qýattady. Nemis úkimetine qarsy bedeldi professor-ekonomıster toby talap-shaǵym bergen bolatyn. Olar Grekııaǵa kóptegen mıllıard transh berý negizgi zańdy buzý degen ýáj aıtty. Budan basqa, shaǵymdanýshylar Eýropalyq odaqtyń qyzmeti týraly sharttyń 125-babyna silteme jasady, olardyń pikirinshe, onda mundaı kómekke tyıym salynǵan. Alaıda sot zańbuzýshylyqty tapqan joq. Degenmen, bolashaqta eýrokórshilerge aqsha bólý býndestagtyń kelisimimen ǵana múmkin bolady.
