EO Keńesi Ýkraınamen vızasyz rejım ornatýdy qoldady
ASTANA. QazAqparat - Eýroodaqqa múshe memleketterdiń elshileri EO Keńesiniń atynan Ýkraına azamattary úshin vızany alyp tastaý jónindegi bastamany maquldady. Bul týraly Keńestiń saıtynda jarııalanǵan materıaldan belgili boldy.
RBK-nyń habarlaýynsha, Keńes aldaǵy jarty jyl boıyna Eýropalyq Odaqqa múshe memleketterde 90 kúnge deıin bolatyn ýkraınalyqtar úshin vızasyz rejım ornatýdy qoldap otyr.
«Biz ýkraınalyq azamattar úshin vızasyz rejım ornatý qajet degen ustanymymyzǵa berik ekendigimizdi qalyń kópshilikke pash ettik»,-dep túsindirdi atalmysh sheshimdi Іshki ister mınıstri Malta Karmelo Abela.
Ol sonymen qatar Ýkraına ókilderiniń vızasyz rejım ornatý baǵytynda qajetti sharttardyń barlyǵyn oryndaǵandyǵyn atap ótti. Endi Ýkraına azamattary úshin vızasyz rejımdi alyp tastaý jónindegi sheshimdi Eýroparlament maquldaýy kerek. Osyǵan deıin, ıaǵnı, 28 aqpanda Eýroparlament pen Eýropalyq Odaq ókilderi ýkraınalyqtar úshin vızany alyp tastaý jóninde beıresmı kelisimge kelgen bolatyn. Ýkraına prezıdenti Petr Poroshenko buny Ýkraına azamattary uzaq ýaqyt boıy kútip otyrǵan sheshimge degen mańyzdy qadam ekendigin atap ótti.
EO pen Ýkraına arasynda vızasyz rejım ornatý jónindegi kelissózder 2008 jyldan bastap, júzege asyrylyp keledi. 20 aqpan kúni Eýropalyq komıssııanyń tóraǵasy Jan Klod ıÝnker Kıevte ótken brıfıng barysynda jazǵa deıin ýkraınalyq azamattar úshin vızany alyp tastaýǵa ýáde etken bolatyn.
