EO Keńesi SІM basshylary deńgeıinde Belarýske qatysty sanktsııa qabyldady
ASTANA. 1 aqpan. QazAqparat - EO Keńesi Syrtqy ister mınıstrligi basshylary deńgeıinde Belarýske qatysty sanktsııa engizý jóninde sheshim qabyldady.
Bul týraly dıplomatııalyq derekkózge silteme jasaǵan ITAR-TASS habarlaıdy.
"Mınıstrler Belorýssııaǵa qatysty sanktsııa engizý jóninde kelisimge qol jetkizdi", - dep habarlaıdy dıplomat. Bul týraly resmı málimdeme taıaýdaǵy saǵattarda jarııalanady.
Aldyn ala taratylǵan aqparat boıynsha, sanktsııa Belarýstiń 158 basshylyq ókiline EO-ǵa kelýge tyıym salý týraly jáne eýropa bankterinde tabylyp jatsa, olardyń bankilik avýarlaryn toqtatý jóninde sheshim qabyldaıdy.
"Qara tizimdi" Belarýs Prezıdenti Aleksandr Lýkashenko men onyń er jetken uldary - Vıktor men Dmıtrıı bastap tur. Burynǵy belarýs sheneýnikterinen EO-ǵa kirý tek Syrtqy ister mınıstri Sergeı Martynov pen birinshi vıtse-premer Vladımır Semashkoǵa ǵana ashyq.
