EO kedendik baqylaýyndaǵy jańa júıe 2020 jylǵa qaraı iske qosylady
BRıÝSSELЬ. QazAqparat - EO keńesi búgin Shengen aımaǵynyń ishki shekarasyna kirý jáne shyǵý tirkelimderine jańa júıe engizýdi maquldady, dep habarlaıdy «QazAqparat» HAA tilshisi.
Kirý jáne shyǵý júıesi Shengen aýmaǵynyń ishki shekarasymen qıylysatyn EO-ǵa kirmegen elderdiń azamattary týraly aqparattardy tirkep otyrady. Ol shekaradaǵy tekserýlerdi jyldamdatyp, sapasyn arttyrýǵa múmkindik beredi.
Sondaı-aq, jańa júıe Shengen keńistigi aýmaǵynda bolýǵa ruqsat etilgen merziminen asyp ketken tulǵalardyń sáıkestendirýin naqty ári júıeli túrde júzege asyrady. Budan ózge, mundaı júıeni engizý EO-nyń ishki qaýipsizdigin nyǵaıtýǵa jáne shekaradan ótkenderdiń áreketteri jaıly málimetterge quqyq qorǵaý qurylymdaryna ruqsat bere otyryp, terrorızmmen kúresti nyǵaıtýǵa baǵyttalǵan.
Kirý jáne shyǵý tirkelimderiniń jańa júıesi 2020 jylǵa qaraı engiziledi dep josparlanyp otyr.
