EO Qazaqstannyń sý salasyndaǵy ulttyq saıasatyn júzege asyrýǵa 7 mln. eýro grant bóledi

ASTANA. QazAqparat - Eýropalyq odaq Qazaqstannyń sý salasyndaǵy ulttyq saıasatyn júzege asyrýǵa 7 mln. eýro grant bóledi. Bul týraly búgin QR Aýyl sharýashylyǵy mınıstri Asyljan Mamytbekov málim etti.

«Qazirgi ýaqytta sý máselesi boıynsha Qazaqstan, EYDU jáne Eýropalyq ekonomıkalyq komıssııa arasynda úlken baǵdarlama jasalyp otyr. Ol sý salasyndaǵy ulttyq saıasat dep atalady. Atalǵan baǵdarlama boıynsha jumystardy biz bastaǵaly otyrmyz. Búginde Eýropalyq odaq osy baǵdarlamaǵa shamamen 7 mln. eýro grant bólmekshi», -  dedi A.Mamytbekov.

Aǵymdaǵy jyly júzege asyrylatyn joba aıasynda transulttyq sý resýrstaryn basqarý, sý jáne densaýlyq máseleleri jónindegi hattama engizýge qoldaý kórsetý jáne ózendik basseıinderdi basqarý úshin ınstıtýttyq negizdi jaqsartý jumystary júrgizilmek.