EO Qazaqstannyń «C5+1» formatyna múddeli ekenin qoldaıdy

BRıÝSSELЬ. QazAqparat - Eýroodaq Qazaqstannyń «C5+1» formatyna - Ortalyq Azııanyń bes memleketi men AQSh dıalogyna múddeliligin qoldaıdy. Bul jaıly QazAqparatqa bergen suhbatynda Eýroodaqtyń Ortalyq Azııa jónindegi arnaýly ókili Peter Býrıan aıtty.

«Eýropa odaǵy Qazaqstannyń Ortalyq Azııanyń bes memleketi men AQSh dıalogyna múddeliligin qoldaıdy. Biz basqa áriptestermen de tyǵyz baılanystar ornatýǵa daıynbyz. Sonymen qatar óńirdegi kez kelgen geosaıası básekelestikti boldyrmaýdy qalaımyz», - deıdi dıplomat.

«EO Qazaqstannyń BUU QK turaqty emes ókili retinde belsendi qımyldaryna rızashylyq bildiredi. EO syrtqy ister jáne saıasat jónindegi Joǵarǵy ókili Federıko Mogerını men QR Syrtqy ister mınıstri Qaırat Ábdrahmanov arasyndaǵy kelissózder kezinde kóptegen mańyzdy máseleler talqylandy. Qazaqstannyń óńirlik qaýipsizdikke, Aýǵanstan máselesin retteýge kóńil bólip otyrǵanyn erekshe atap ótemiz», - deıdi Peter Býrıan.