EO Qazaqstan azamattaryna vızalyq rejimdi jeńildetýdi nazarǵa aldy
ASTANA. QazAqparat - Eýropalyq odaq Qazaqstan azamattary úshin jeńildetilgen vızalyq rejimdi qarastyrady. Búgin Parlament Májilisinde QR Syrtqy ister mınıstri Qaırat Ábdirahmanov osylaı málim etti, dep habarlaıdy QazAqparat.
«Búginde Eýropalyq odaqtan jaqsy habar kelip jatyr. Olar jaqynda Qazaqstan azamattary úshin vızalyq rejimdi jeńildetý týraly máseleni talqylaýǵa kiresetin bolady», - dep atap ótti Q. Ábdirahmanov Májiliste ótken Úkimet saǵatynan keıin.
Óz kezeginde Parlament Májilisi Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev sońǵy jaldary Qazaqstan EO elderine saparlaýdy jeńildetýge qatysty tıisti qadamdar jasap jatqanyn atap ótti.
«EO tarapy bul máseleni tyńǵylyqty qarastyrýǵa daıyn ekenin ańǵartty. Meniń oıymsha, bul taqyrypty talqylaý jónindegi mundaı sheshim aıtarlyqtaı ilgerileý bolǵanyn bildiredi. Sondyqtan da bizdiń dıplomattar azamattarymyzdyń Eýropalyq odaqqa saparlary jeńildetilgen vızalyq rejimde iske asyrylýy baǵytynda belsendi jumystardy atqarady dep úmittenemiz», - dedi depýtat.
